一盅點心

营业中

休息中

亲戚住呢区话呢间啲点心有质素，话呢度好多点心出面都食唔到😊千岛酱脆炸萝卜糕平时煎萝卜糕就食得多，估唔到萝卜糕都可以炸！而且除咗香口之外仲一啲都唔油腻，入边啲萝卜糕真材实料！食到有一丝丝嘅萝卜，唔系得粉！皇牌点二人套餐呢间啲烧卖都几出名，身为烧卖控又想食多啲唔同款嘅烧卖，又唔想用脑谂就梗系要二人套餐！怀旧烧卖王同埋带子烧卖真系超正！烧卖啖啖肉，唔会入面食到一粒粒肥膏！而且仲有肉香！啲带子都几新鲜！虾饺皇都几皮薄，而且入边啲虾肉唔会有胡椒味，觉得超级新鲜！XO酱菜苗饺真系超级可爱，好似日本啲腐皮寿司咁，佢系中间无封住，可以等啲馅料露出嚟🤩🤩同样都系啲皮好薄，而且啲馅料超多！好鲜味🥰🥰黑金流沙包，超热辣辣，而且唔算超级甜😝饱肚靓汤套餐叫咗个金针云耳鸡饭，啲鸡够晒滑而且成个套餐份量都好大螺头炖竹丝鸡汤超真材实料，而且要饮得出冇落味精！食完成餐饭返到屋企都唔口渴😜😜