阿詩瑪壹菌 (已結業)

今日同朋友行经太古城，最烦就系谂食野，水牌上求其拣左阿诗玛壹菌。一到门口即被富有中式装潢吸引左，好浓厚民族气息，感觉好浪漫。第一次食云南野，只知道小数民族菌类最出名，亳无头绪点𩠌，于是叫左个二人餐。首先有拍黄瓜同硽萝卜，黄瓜唔太入味，反而萝萝爽脆可口，加埋二人餐既香酱凉茄子以及山木耳，即时食欲大增。前菜之后，一人一小碗山珍气锅鸡，一开盖，系菌类配合下香味扑鼻，鸡汤鲜甜，鸡肉嫰滑，估计因为个壸系密封，所以将肉汁以及香味锁住，二人极速饮完个汤，有冲动encore。话明菌类最出名，点少得来碟火爆牛肝菌。牛肝菌喺青红黄椒以及蒜片陪衬下，完全带出香味，食落好爽，以及微微地辣，听讲全部云南新鲜运送过来，其他餐厅未必试到。糖醋里脊，外脆内软，一啲都冇夸大，肉块并非全瘦，带小小肥，但感觉唔肥腻，可见师传功力深厚，吾同于一般餐厅，呢度选用蜜桃做配菜，效果更突出，唔会因菠萝既酸甜程度影响左里脊味道，送饭一流。浓汤浸田园时蔬，不过不失，外形似油麦菜，不过更爽更脆。甜品为呢餐添上美好句号，玫瑰冰粉，冰粉似啫喱，又似寒天爱玉，但口感更加弹同Q，配上玫瑰花瓣，养颜滋润一流，充公埋老公个杯。