影片
更多
2010-02-24
33 浏览
年初五, 仲放紧假. 本身打算去妹记, 因为妹记收得早, 次次都食唔到. 但系去到发觉佢初七先开. 冇计~~ 好在有Plan B. 做定功课, 就系咁, 今次就试左呢间喇.因为本来打算早少少食粥做早餐. 妹记冇开, 所以要周围行, 当一搭正11点, 阿姐一拉闸, 就冲入去通记问, "开未呀?!" 问果时其实已经揾左张枱坐低左.黎得, 当然尽试佢D 招牌野啦... 两个人一口气试左...凤爪拼猪手捞面鱼片头拼猪肉丸汤河牛丸拼卤肉汤米油菜一碟片头肉丸河. 鱼片厚切咬落颇弹牙, 还有一点点片头独有的香口"表面". 不过, 猪肉丸除左几弹牙之外, 味道就冇乜特别. 质素同你行街买火锅汤料d 贡丸差不多.继猪油捞面之后(安利也好, 鸿记也好), 呢个凤爪拼猪手, 我觉得系最正嘅嘅捞面配搭!! 曾经有一次, 我姑丈整左一碟鲍汁捞面俾我之后, 就发觉呢d 胶质咁重嘅汁系同生面咁匹配. 今次呢碟野一上到黎, 用筷子轻轻咁捞一捞起碟底果d 汁. 凤爪同猪手两样煮出黎嘅汁, 浓郁几近起胶. 生面被浓汁依附著. 净食d 面都够哂享受. 猪手份量不小, 凤爪亦有两只. 同样炆得好淋好入味. 唔够喉, 叫多碗牛
因为本来打算早少少食粥做早餐. 妹记冇开, 所以要周围行, 当一搭正11点, 阿姐一拉闸, 就冲入去通记问, "开未呀?!" 问果时其实已经揾左张枱坐低左.
黎得, 当然尽试佢D 招牌野啦... 两个人一口气试左...
凤爪拼猪手捞面
鱼片头拼猪肉丸汤河
牛丸拼卤肉汤米
油菜一碟
片头肉丸河. 鱼片厚切咬落颇弹牙, 还有一点点片头独有的香口"表面". 不过, 猪肉丸除左几弹牙之外, 味道就冇乜特别. 质素同你行街买火锅汤料d 贡丸差不多.
继猪油捞面之后(安利也好, 鸿记也好), 呢个凤爪拼猪手, 我觉得系最正嘅嘅捞面配搭!! 曾经有一次, 我姑丈整左一碟鲍汁捞面俾我之后, 就发觉呢d 胶质咁重嘅汁系同生面咁匹配. 今次呢碟野一上到黎, 用筷子轻轻咁捞一捞起碟底果d 汁. 凤爪同猪手两样煮出黎嘅汁, 浓郁几近起胶. 生面被浓汁依附著. 净食d 面都够哂享受. 猪手份量不小, 凤爪亦有两只. 同样炆得好淋好入味.
唔够喉, 叫多碗牛丸拼卤肉. 食左面同河, 今次食米粉. 汤底依旧, 幸好味精感觉唔多. 米粉同求其一间粉面铺冇乜分别. 当然, 重点在于配料. 卤肉用上猪颈肉, 避免左浸到太鞋皮. 不过肉味就稍稍欠奉. 反而牛丸就非常抵赞. 非常重牛味, 咬落去你会感受到入面d 肉汁走出黎. 元朗胜利, 旺角乐园... 系就系弹哂牙, 不过如果你叫四宝, 问你食紧果粒系咪牛丸有时真系未必分得出架.
p.s. 今次俾我试呢个凤爪猪手汁, 撩起左我食捞面条瘾. 睇黎呢排我都会周围揾食捞面好地方.
张贴
