影片
更多
2009-08-21
13 浏览
老朋友拣地方同菜式我拣餐厅想坐得舒服, 中环, 意大利餐...最后拣咗试呢间比较少食评但望落试得过o既佢有我心爱o既蚝!!可惜朋友呢期食唔得海鲜, 要忍口但都试咗几只唔错o既蚝款浓味Irish啱晒我! Encore咗一只. 个人认为系全晚精粹所在, 的的骰骰, 全场最mini系佢, 但肉地爽, 够肥, 味浓, 食完一只后个味道留响口腔达两分钟之久! 连舌上都会残留佢独特o既质感... 绝对不能睇"小". 系只需一只已足以回味无穷o既"必食"之选肥美Gillardeau满足口感, 有好重海水o既咸味. 相对美国蚝o既重量级或者有一段距离, 但味道搭够又令佢扳回一城南非蚝令人跃跃欲试, 朋友试咗, 佢话唔错法国珍珠蚝爽口清甜, 啱做warm-up, 或者唔好重味蚝o既朋友澳洲冇试, 但应该相较Irish同Gillardeau会失色罢. 呢晚留佢唔试住都系好o既.weekday night, 佢俾咗个落地玻璃corner位我哋个view 都好好, 13楼够开扬, 加上中环特色, 有几分classy朋友话灯光暗, 但我觉得都OK -- 睇Menu要放枱面啰𠮶度应该打算主力成为食蚝o既餐厅单系蚝
老朋友拣地方同菜式
我拣餐厅
想坐得舒服, 中环, 意大利餐...
最后拣咗试呢间比较少食评但望落试得过o既
佢有我心爱o既蚝!!
可惜朋友呢期食唔得海鲜, 要忍口
但都试咗几只唔错o既蚝款
浓味Irish啱晒我! Encore咗一只. 个人认为系全晚精粹所在, 的的骰骰, 全场最mini系佢, 但肉地爽, 够肥, 味浓, 食完一只后个味道留响口腔达两分钟之久! 连舌上都会残留佢独特o既质感... 绝对不能睇"小". 系只需一只已足以回味无穷o既"必食"之选
肥美Gillardeau满足口感, 有好重海水o既咸味. 相对美国蚝o既重量级或者有一段距离, 但味道搭够又令佢扳回一城
南非蚝令人跃跃欲试, 朋友试咗, 佢话唔错
法国珍珠蚝爽口清甜, 啱做warm-up, 或者唔好重味蚝o既朋友
澳洲冇试, 但应该相较Irish同Gillardeau会失色罢. 呢晚留佢唔试住都系好o既.
weekday night, 佢俾咗个落地玻璃corner位我哋
个view 都好好, 13楼够开扬, 加上中环特色, 有几分classy
朋友话灯光暗, 但我觉得都OK -- 睇Menu要放枱面啰
𠮶度应该打算主力成为食蚝o既餐厅
单系蚝呢方面sell得好落力
不过咁亲切, 一定加分
钟意人哋开蚝起埋带子位
虽然有海水味, 不过怀疑佢有洗蚝... 下次要问问佢
其他食物唔系试咗好多款, 拣餐厅时唔知朋友要戒海鲜, 因此有好多都唔会叫
最后都食咗保险o既肉酱千层面 -- 有惊喜㖞. 味道浓得嚟都算适中. 佢用𠮶只芝士令个dish有种同出面唔同o既口味, 突围成功, 面头焗到㶶㶶地, 增强口感, 个好似salad咁o既source味道都好夹, 份量亦perfect, 2-3个人share啱啱好唔会太饱或觉腻
薯条, 即叫即炸, 好味, 够粗, 落咗herbs, 用个篮上, 但冇卖点
啲自家source略嫌淡同稀, 点好多都冇乜味... 佢哋问我哋四款source最钟意边只, 我哋冇办法真系只能辜负佢自制酱o既心思, 答佢系 -- 茄汁... 希望真话可以帮到佢
Carpaccio够薄, 但味就真系冇咩特别, 鲜味欠奉. 或者加少少黑醋橄榄油唔知会唔会帮到手...
甜品系心太软
第一次失败咗, 佢即刻整过俾我哋仲加送一件应该系冇经过介绍o既Lychee Mouse. ]
哈哈, 不得不帮佢哋讲多几句好话
第二次个心太软十分成功
唔会太甜, 面头够㶶, 细细件但劲多choco-filling 流出嚟
伴碟雪糕球都好~~好味
系一间适合三两知己食个靓饭, 倾计, hae吓o既好选择.
成个感觉好relax, 冇咩好strong好fancy o既factor, 但系系可以同最好o既朋友去𠮶种感觉
(又可能关同边个食事啦)
service都几domestic feel
6个亲切, 9 个友善, 但唔好expect佢十分之professional
总之有求必应, 唔会黑面, 客人可以好casual
做生意从来都应该有strategy
呢次佢sell到我
张贴