鳯皇居小菜館

营业中

休息中

试咗一间新嘅小菜馆，好唔错所以特登写篇食评支持一下。六个朋友去食叫咗八样嘢，食中菜最紧要系唔油，佢做得到俾个叻。首先讲吓蛋黄鱼皮，唔油脆口干身又大份抵食好味。荷叶金针云耳蒸鸡，鸡好滑好入味，最紧要多金针我最钟意食，唔似出面得𠮶几条。水煮牛肉，有朋友突然之间好想食水煮嘢，本身本人就有点抗拒唔系川菜馆食水煮野，惊会伏但系佢依家小馆好做到𠮶个味道，真系有麻香辣嘅感觉，下次想试埋佢个水煮鱼。酥炸生蚝，做到粉少皮薄脆口唔油。有个豆腐唔记得咗叫咩名，呢个算系最普通但系都好食😋最好系佢仲有海鲜一人一只扇贝，好大只好新鲜。睇到佢餐牌可以做海鲜加工，咁唔使去西贡啦。小馆feel, 食物质素好，干干净净，价钱合理，值得推荐。