影片
更多
2007-03-01
3 浏览
明知新年会多人, 明知观塘间青叶serve 唔到咁多人, 原本我已经谂住几大都唔会新年去... 同时系为免食到一肚气, 所以先唔去. 点知男友屋企人唔知做咩话一定要去观塘o个间... 哈, 结果如下:任食两小时o既头一个小时: 刺身只黎过一艇, 寿司一盘, 其他刺身同寿司o既单... 几乎飞晒. 问waiter 点解咁耐都出唔到, 佢话人多... 同埋因为要摆靓D㖞. Orz 熟食劲快到, 当时只系觉得D炸物有少少过左火, 尚算okay.错单错得好离谱. 明明叫四个o既变左两个, 叫一份又唔知点解多左几份, 令我谂起大久保. 还好呢度只系漏单或出错数量, 无好似大久保咁塞一堆完全无叫过o既野俾你食. 汽水要催两次先到. 我谂观塘间青叶, 场系几大, 但真系做唔到咁多客.同样地D waiter 做到起晒火, 我只可以讲句同情. 不过希望佢地敬业少少.任食两小时o既后一小时: 刺身黎快左, 但切得一时厚一时薄; 寿司握饭力度不足, 可能系师傅过劳所致, 总之一夹即散; 鳗鱼寿司无紫菜, 大概系因为忙中有错. 强烈建议观塘青叶请多一次师傅去顶D大时大节. 熟食相较一小时前出得慢左, 炸物变左
任食两小时o既头一个小时: 刺身只黎过一艇, 寿司一盘, 其他刺身同寿司o既单... 几乎飞晒. 问waiter 点解咁耐都出唔到, 佢话人多... 同埋因为要摆靓D㖞. Orz 熟食劲快到, 当时只系觉得D炸物有少少过左火, 尚算okay.
错单错得好离谱. 明明叫四个o既变左两个, 叫一份又唔知点解多左几份, 令我谂起大久保. 还好呢度只系漏单或出错数量, 无好似大久保咁塞一堆完全无叫过o既野俾你食. 汽水要催两次先到. 我谂观塘间青叶, 场系几大, 但真系做唔到咁多客.
同样地D waiter 做到起晒火, 我只可以讲句同情. 不过希望佢地敬业少少.
任食两小时o既后一小时: 刺身黎快左, 但切得一时厚一时薄; 寿司握饭力度不足, 可能系师傅过劳所致, 总之一夹即散; 鳗鱼寿司无紫菜, 大概系因为忙中有错. 强烈建议观塘青叶请多一次师傅去顶D大时大节. 熟食相较一小时前出得慢左, 炸物变左街边质素, 唔使睇住佢炸我都知系大堆头炸完滩冻左再拎出黎, 而且油唔够热, 炸完出黎油淋淋.
曾经食过系好食, 所以我坚持只系客太多先会咁. 经验话俾我知, 如果见到观塘青叶有半场至大半场满的话, 千祈唔好入去. 否则你预左唔会觉得食得超值, 甚至觉得唔值.
如果想饱D可以去劲饮汽水, 反正... 唔使钱.
彻底失望我又未至于, 不过应该好一段日子唔会再去吧.
该日为七点前入席之优息时段, 138蚊一位, 一枱共五人.
张贴