太上漁村海鮮酒家

营业中

休息中

平时有帮衬，服务OK。但一到农历新年，想落单订年夜饭外卖，提早一个星期问佢，佢叫我到时先订，早一日再问清楚佢，可唔可以订咗先，惊佢唔够货，结果被拒绝，佢同我讲一定要当日先可以落单。好，我预好晒啲𩠌，准时过去买外卖，见到佢同买外卖嘅人讲，做唔切，叫啲人谂吓去第二度买！！ 我听到佢不停咁帮啲熟客留𩠌，作为普通客人嘅我，心里不爽。我真系俾佢激死，我早啲又唔俾定，听佢讲当日去有冇得订！最重要系，我预好晒啲嘢，阵间人哋嚟食饭，而家乜都冇，咁点搞！虽然之前OK，但系今次咁样俾佢一镬翘起，非常不满！作为一间已经做咗咁多年嘅食店，做一新年饭，唔系新手，点解会咁混乱！