新斗記 (已結業)

趁著仲系正月，同两个农历新年冇时间见嘅朋友一齐去食饭团拜，朋友仔今次拣咗呢间位于北角嘅中菜新斗记。餐厅装潢好有传统中国味道，红色为主调，都有几多游客嚟食。我哋睇完餐牌之后，就一口气叫咗5个菜，第一个就系红烧乳猪，乳猪除咗烧到好脆，仲好稔同滑，招牌菜果然系招牌菜！听闻呢度嘅粟米大鱼块都系好出名，粟米汁同鱼块系分开上，粟米汁好清香，唔会好咸；鱼块大大块，有半个手掌咁大，又无骨，值得一试！食中菜一定要叫个生炒骨食，呢度嘅生炒肉上排，都够酸，味道可以，肉粒够多，其他青椒菠萝都几好食。食咗咁多肉，系时候食下菜，南乳粗斋煲入面有多样菜同素食食材，有时间中食下斋都唔错㗎！呢个椒盐豆腐粒系无意中叫嘅，估唔到一样都好出色，豆腐又脆，但唔会好咸，大家一定要食！今晚食得好开心，再一次祝大家新年快乐，身体健康！