UCC Coffee Shop (已結業)

新年後的聚會，其實食邊間餐廳都無乜所謂，只在食下飯吹下水。呢間餐廳環境都幾廣敞，幾舒服，最緊要係唔限時，因為我唔太鍾意限時，食食下就比人趕走，感覺唔係太好。我地幾個女仔食唔到太多野，所以就點左2個主食，加一個沙律🥗Bar set及一個甜品。紅湯我唔太好，比左朋友飲。煙三文魚pizza-味道幾好。茄汁意大利燴飯-茄汁感覺會比較開胃，所以就點左呢個黎食，味道唔錯。沙律🥗Bar都幾多野揀，我就每樣都有攞，唯獨係提子乾。因為裝唔晒。😂最後點左個期間限定既甜品，熊紅士多啤梨熱香餅。熱香餅都算厚身。雪糕係雲呢嗱味，士多啤梨都好甜。下圖係職員比漏士多啤梨醬之後問職員攞返，加左比較好味啲。