組長日式放題 (已結業)

铜锣湾食放题，又唔一定要食超级大集团，有间组长日式放题都几得意，新年有得玩鱼虾蟹，我哋就抽中左蟹脚同埋鸡泡鱼干。餐牌选择都几多。出面仲有得拣饮品、热饮、水蟹粥、粟米鱼肚羹以及甜品等。刺身叫咗好多款式，包括甜虾、带子、剑鱼腩、油金鱼、马刀贝、象拔蚌以及三文鱼。全部都好清新，特别系甜虾最好食，估唔到剑鱼腩系咪油甘鱼呢类型嘅鱼也做得唔错。加埋抽中咗嘅蟹脚，有咸香同埋鲜味，已经值回票价。鳗鱼烧得几香，无骨。甜番薯细细粒，甜味十足。菠萝都好唔错，酸酸甜甜十分开胃。仲叫咗好多寿司、包括鳗鱼寿司、左口鱼寿司以及和牛寿司。三只都好正，当中最吸引我系和牛寿司，未至于入口即溶但系个味道好香，口感松化；左口鱼都系好正！手卷方面都有葱花吞拿鱼同埋三文鱼子海胆手卷，葱花吞拿鱼𠮶个其实系拖罗，不过啲葱花比较多；三文鱼子海胆都唔错，胜在够清新。田鸡脚原来仲可以炸几盏鬼，绝对要试！食埋个好鬼肥腻但系又好香脆嘅鸡软骨就够晒饱。最后食埋个朱古力糯米糍就更上一层楼，不过有少少硬所以唔啱老人家食。