甜CC 甜品店 (已結業)

食完正餐，当然想食啲甜品啦！！ 仍然系新年嘅时节，所以都有新年嘅餐牌， 够晒应节！！见到佢有好多唔同嘅甜品款式喺regular menu度， 最吸引到我嘅就系心太软同埋班戟！！ 因为要即时现造， 一般家庭好难同时地自己做到呢两样嘢。而且可以选择嘅雪糕口味超级多，正呀！班戟配榴梿雪糕， 班戟好香脆， 厚度适中 ，用上朱古力酱而唔系忌廉 ，彷佛件事冇咁邪恶， 而且有生果配埋，成件事就balance返喇！！雪糕球都几大球， 榴梿味超级香浓，榴梿迷真系唔可以错过！心太软size都算几大，配上薄荷朱古力雪糕球、 生果同埋脆脆 ，索价都非常合理。最治愈嘅画面嚟啦！！切开心太软，流心朱古力浆缓缓落下， 甜度啱啱好，绝对唔会腻。