殿·大喜屋

营业中

休息中

如果你系放题粉丝，又钟意试高质食材，呢间餐厅真系唔可以错过！以三百几蚊嘅价钱，可以食到日本北海道海胆同鱼子酱任食，实在太吸引！🔵刺身寿司：海胆鱼子酱军舰必试！ 平时去 fine dining ，鱼子酱只系得一小啲，但呢度可以任你食，真系豪到冇朋友！鱼子酱鲜香浓郁，搭配北海道海胆，金黄色嘅海胆入口即溶，甘甜细腻，食一啖已经感受到顶级新鲜嘅滋味，真心推介。其他刺身寿司选择亦非常多，包括三文鱼、油甘鱼、吞拿鱼腩 、北海道带子、池鱼王等 。刺身全部都非常鲜甜，落单后送上嚟嘅速度好快，完全冇拖单情况，呢点好加分。🟠熟食有大量炸物、点心、汤品等，最推介以下两款：- 川烧珍宝鲜蚝：鲜蚝肥美饱满，烧得香口多汁。 - 避风塘炒蟹：用咗大肉蟹，蟹肉鲜甜，炒得够香。 🟢甜品最令人惊喜嘅系 榴梿蓉任食！榴梿蓉香甜浓郁，质地滑溜，钟意榴梿嘅人一定会忍唔住一啖接一啖！🟠饮品选择亦非常丰富，除咗啤酒同各款饮品，仲有清酒同 梅酒任饮，饮得开心又唔洗限制。