囍越 (將軍澳中心)

营业中

休息中

由于喺附近工作嘅关系，所以收工近近哋就试下喺将军澳中心新装修嘅越式餐馆。 近年尾，对自己好啲，所以同朋友一行二人叫咗一餐非常丰盛嘅越式晚餐。头盘有软壳蟹米纸卷 ，个人觉得味道唔够浓，不过作为头盘，清清地，都不失为一个好嘅选择。同朋友一人叫咗一个主食，我试咗猪颈肉檬粉。猪颈肉另上系一个扺赞嘅做法，汤底都有好浓。朋友个蕃茄汤底海鲜檬粉味道亦都非常特别，唔太识形容，但系应该适合香港人接口味。 同场叫咗一个冻椰青 ，系拼炸虾饼嘅好凉拌。最后作结嘅系芒果糯米饭，最钟意佢白色嘅糯米饭，口感烟韧，不过就嫌佢嘅椰浆唔够多，所以另外叫侍应畀多咗一兜我哋。值得提一下嘅系服务员嘅态度，餐厅都算多枱，但系服务员嘅比例都高，所以上菜点菜都几有效率。总括而言， 系将军澳区嘅一个越南菜新选择。