酩町 (已結業)

上网见到呢间五月先开嘅酩町，主打真炭火烧烤，最钟意食串烧同生蚝嘅我梗系唔可以错过，即刻叫埋个朋友陪我一齐去试吓😉佢地用个真肉盘黎做menu好有创意，我真系忍唔住叫多几串。佢嘅串烧28蚊起，喺尖沙咀黎讲算性价比高，不过咁多款式两个人食唔到好多，可能多啲人会更适合。净系串烧当然满足唔到我哋个胃口。店员介绍而家当造嘅日本时令生蚝，叫左3只黎试吓，肉质肥美饱满，味道鲜甜，我哋仲叫咗支清酒慢慢叹🍶餐厅环境舒适，我哋倾住计饮下酒过咗成晚😚除咗串烧仲有好多小食、烧物、炸物试唔晒，下次约多啲人再黎食过☺️