千羽堂 (已結業)

早前呢间铺头嘅集团顾问(翠华集团)邀请我地到新店做压力测试。今晚，我地一行六人到呢间新店做压力测试(即免费试食)。餐牌简单，选择唔多。首先睇睇佢地个刺身吧，种类唔多。集团顾问亲自示范落单方法。我地六个人叫咗六个餐，一齐分享。落单后，好似快餐店咁等号码显示去取餐。呢个 “特上云雾杂锦寿司拼盘” 有支针筒。打啲水入盘内就会有烟出，好仙境啊！“葱爆吞拿鱼温泉蛋丼” 好多葱啊！唔食葱人士勿点喇！“海胆三色丼” 有三文鱼同生牛肉，加埋温泉蛋一齐食，我一个人嚟食饭就最爱点呢个餐。“飞驒和牛汉堡咖喱定食” 就浪费晒啲牛肉，唔应该做汉堡。我觉得呢个 “岩盐烧鲭鱼定食” 就最失败喇，食入口无特别惊喜，仲好似喺吉X家食紧佢嘅鲭鱼小吃咁！最后顾问拎咗两个小食畀我地试下，“三元豚莲藕夹饼” 食落唔错，莲藕爽猪肉香；“野菜豚肉饺子” 就被朋友食晒，食唔到无得畀评语。