Mee...lemongrass (已結業)

马鞍山已经开始脱离「食物沙漠」 呢个形容词， 眼见越嚟越多新餐厅进驻马鞍山，而今日食呢一间都系新开嘅！！餐具、枱垫同埋 menu都用足心思， 见佢有唔少分店，似乎都有品质保证！！menu图文并茂 ，见到都流晒口水。限量嘅波士顿龙虾喇沙～绝对可以用霸气嚟形容，碗大，龙虾又大，真系打卡、呃like嘅好item。 仲提供埋即弃手套、 钳同埋湿纸巾， 真系非常细心。仲要好lucky咁嚟咗只有膏㗎！！无骨海南鸡喇沙～ 通常海南鸡会跟油饭，但系佢出咗系跟喇沙，绝对系双重享受， 喇沙嗲汤底非常够味， 豆卜索哂啲汤，正呀～而海南鸡非常嫰滑，汁酱都正宗！面底系由两种面条而组成 ， 口感有别于坊间面底。炒杂菜～ 出嚟食嘢，点都有碟菜嘅～炒杂菜乜嘢菜嘅种类都会有，咁就一啲都唔会闷啦！而且好够味同埋好有镬气呀～赞！不得不提既，系员工嘅服务都非常好，竟然会见到面带笑容，真系难得一见！