影片
更多
2024-12-25
125 浏览
新店开咗一段时间，终于可以用Open Rice订位，店内装修新净，座位比旧店宽敞，店员服务殷勤。绿色泰奶唔系我点嘅，问番饮家，佢话比原来嘅泰奶无咁甜，饮到最后绿茶会带点苦。差不多每次都点嘅咸柠七咸咸甜甜，好解渴。泰式酸辣无骨凤爪，少贵，同一般食开嘅味道无大分别。铁板蚝仔蛋，蛋同蚝仔都好丰盛，仲有好多芽菜添，铁板上热辣辣，蛋味香，蚝仔鲜，一定要醮辣椒酱，好味。干炒金边粉酸酸甜甜，好开胃，炒得够干身，有花生碎嘅香同芽菜嘅清爽。泰式火车炒饭，好有镬气，但比较普通。泰式拼盘，炸鸡枣、炸虾饼同香茅鱼饼好好味，但春卷炸过火，㶶之余里面粉丝干硬，又充满油炸味，唔好味。最后仲送上甜品，唔太甜嘅大菜糕，为这个圣诞节午餐划上完美句号。
绿色泰奶唔系我点嘅，问番饮家，佢话比原来嘅泰奶无咁甜，饮到最后绿茶会带点苦。差不多每次都点嘅咸柠七咸咸甜甜，好解渴。
泰式酸辣无骨凤爪，少贵，同一般食开嘅味道无大分别。
铁板蚝仔蛋，蛋同蚝仔都好丰盛，仲有好多芽菜添，铁板上热辣辣，蛋味香，蚝仔鲜，一定要醮辣椒酱，好味。
干炒金边粉酸酸甜甜，好开胃，炒得够干身，有花生碎嘅香同芽菜嘅清爽。泰式火车炒饭，好有镬气，但比较普通。
泰式拼盘，炸鸡枣、炸虾饼同香茅鱼饼好好味，但春卷炸过火，㶶之余里面粉丝干硬，又充满油炸味，唔好味。
最后仲送上甜品，唔太甜嘅大菜糕，为这个圣诞节午餐划上完美句号。
张贴
