影片
更多
2021-07-19
354 浏览
台湾有海角七号，香港嘅九龙城都有南角叁号，南角道叁号，系一幢三层高嘅战前唐楼，但最后未获政府评级为古迹，南角道叁号地下前身系一间叫「怡顺荣机器五金」，已结业多时，而整楝大厦基本上已经无人住，因此南角Nan Kok老板为咗想保留此特色唐楼，所以开呢间coffee shop，甚至施工装修期间都尽量配合去保留返一些旧有嘅物品同特色结构，呢样系设计画图前预计唔到，系要一路装修到某部份先知某些位置可否唔拆或留返个怀旧特色，而「怡顺荣机器五金」同「怡顺荣」两个旧招牌系分别保留咗响门外同店内。「南角」啱啱试业中，之前几次经过见到其装修时已经好期待，点解之前会成日经过？因为屯马线嘅宋皇台站B2出口(如果唔想行楼梯就用B1扶手电梯或搭lift)，一出行过对面马路就见到，而正门嘅大铁闸就系保留返之前多年嘅旧式铁闸，未入coffee shop门口前已有一个好靓嘅打咭位，墙正中有「南角 Nan Kok」字样，字上面有盏灯，而柜上面就有一盆盆栽及一部旧式电话，见好多人攞住嘢食/饮嘢放响度狂影，一入门口左手面系冲咖啡位置，再之后位置就系开放式厨房，而右手边近墙位置有十几张2人至4人嘅枱，可先量体温，再选择用「安心
台湾有海角七号，香港嘅九龙城都有南角叁号，南角道叁号，系一幢三层高嘅战前唐楼，但最后未获政府评级为古迹，南角道叁号地下前身系一间叫「怡顺荣机器五金」，已结业多时，而整楝大厦基本上已经无人住，因此南角Nan Kok老板为咗想保留此特色唐楼，所以开呢间coffee shop，甚至施工装修期间都尽量配合去保留返一些旧有嘅物品同特色结构，呢样系设计画图前预计唔到，系要一路装修到某部份先知某些位置可否唔拆或留返个怀旧特色，而「怡顺荣机器五金」同「怡顺荣」两个旧招牌系分别保留咗响门外同店内。
「南角」啱啱试业中，之前几次经过见到其装修时已经好期待，点解之前会成日经过？因为屯马线嘅宋皇台站B2出口(如果唔想行楼梯就用B1扶手电梯或搭lift)，一出行过对面马路就见到，而正门嘅大铁闸就系保留返之前多年嘅旧式铁闸，未入coffee shop门口前已有一个好靓嘅打咭位，墙正中有「南角 Nan Kok」字样，字上面有盏灯，而柜上面就有一盆盆栽及一部旧式电话，见好多人攞住嘢食/饮嘢放响度狂影，一入门口左手面系冲咖啡位置，再之后位置就系开放式厨房，而右手边近墙位置有十几张2人至4人嘅枱，可先量体温，再选择用「安心出行」或填写个人资料后便可入内。
如果堂食，服务员攞埋menu再带你去揾位坐低先再拣食乜饮乜，由于我入门口前睇咗同已影低咗menu，所以好快就从坐位行出去收银柜位度落单，点咗一杯Iced Pandan Coffee斑兰咖啡($52)同一客Sourdough Bagel with Cream Cheese酸种贝果($36)，埋单$88，之后返位度等，可能新开关系，中午时段已经开始要等位，眼见水吧加楼面有3-4人，厨房好似又系3-4人(无特别数，可能有啲系老板，因为见到佢哋好忙)，等咗5-6分钟左右，杯斑兰咖啡由服务员奉上，值得一赞嘅系无任何号码牌提示下服务员可以准确地将我点嘅饮品送到，我有见到送错过，因为有人自己调咗枱。
斑兰咖啡
$52
12 浏览
0 赞好
0 留言
斑兰咖啡
$52
13 浏览
0 赞好
0 留言
冻斑兰咖啡，杯顶浮住一球椰子雪糕、浸住雪糕嘅就系咖啡、底部系椰子汁，仲有一大块斑兰叶，颜色同卖相配搭都几靓，门口打咭位经常有人，所以我拣咗最入边另一个打咭位，有一个仿古式嘅柜，上面放咗一个旧款电视机、一个旧式转盘电话同一盏古老款式嘅灯，快快影完返埋位时，件酸种贝果就到咗了，今次响枱快快影完之后就先用饮管搅一搅匀杯咖啡，再用匙羹去食椰子雪糕，虽然放咗一段时间，只系溶咗少少，雪糕仍然细滑，椰子味都几出，咖啡同椰子汁捞匀之后都唔算太甜，有咖啡同椰子汁味之余亦有斑兰香味。
斑兰咖啡及酸种贝果
$88
14 浏览
0 赞好
0 留言
有朋友问去新嘅咖啡店唔系应该飮人哋店嘅热咖啡咩？其实识我都知我唔系好饮咖啡同热嘢，冻嘅咖啡有时都会饮，所以我觉得呢杯斑兰咖啡几好飮；酸种贝果，Bagel外面都几烟韧，用刀叉都可以切，里面包身都算软熟，如果多啲忌廉芝士就更好。
Cold brew, Single Origin(Bottle)
$48
18 浏览
0 赞好
0 留言
Ice Chocolate Maniac
$46
11 浏览
0 赞好
0 留言
坐坐下look look下社交平台见到日本代购达人红先生响九龙城饮紧咖啡，倾两倾佢就已经过咗嚟，我已经转咗去返门口第一张枱，我哋唔知几多年无见，我去咗收银𠮶度落单，本身佢想点芒果莎莎，但无哂芒果，最后佢要咗一樽Cold brew, Single Origin(Bottle，$48)，我就要咗一杯Ice Chocolate Maniac 冻朱古力($46)，佢饮咗之后都话味道唔错，话价钱仲几抵，而我杯冻朱古力，系有朱古力雪糕同Oreo，首先朱古力味够香浓同够冰冻，朱古力雪糕够香滑，Oreo碎又有嚼口，各有各嘅甜味，最紧要够冻，下次试下食早午餐/甜点先。
张贴
