焱手工涮涮鍋 (已結業)

想食呢间火锅店好耐今次终于有机会！openrice订枱仲有七折！佢本身有火锅套餐每人二百几有前菜有海鲜有肉有菜有饮品有甜品仲包锅底其实好抵！不过今次唔系好想食海鲜就决定散叫！谂住清清地拣左个雪山飞鱼锅入边有好多菇同埋冬瓜腐竹仲有龙趸片上面放左两大旧蛋白第一次打边炉渌蛋白估唔到质感好特别有啲口感唔会好似一阵风禁好得意呀！再讲个汤底 唔加钱中间就系药材清汤加钱可以变做火焰蚬锅汤底好清好好饮啲腐竹索哂d汤好甜好正！牛肉拣左封门柳 呢个有少少失望 因为佢唔系好滑好有油花𠮶啲牛肉 虽然都有啲牛肉味但我就觉得有啲鞋口另外就点左呢个四色手打丸拼盘，有牛肉花胶丸，黑松露墨鱼丸，牛肝菌豚肉丸同埋蟹子鲜虾丸，好好食呀各款都有特色，全部都好有口感好好食！另外嗌左呢个功夫土豆片，香港好少火锅店有，系切到好薄好薄既薯仔片，渌唔洗一分钟就食得，好爽口好似食紧薯片禁另外叫左松板黑豚肉配小黄瓜上枱既时候哇左一声啲油花好吸引呀配埋啲青瓜一齐食减左啲油腻感好似食紧蒜泥白肉禁几得意！个侍应介绍我地一定要食鱼皮或者响铃叫左呢个自家制珍宝炸响铃，果然冇介绍错！鲜炸热辣辣非常脆口完全冇油益味！可惜佢太大条两个人每人只可以食到两条