四寶食堂 (兆安廣場)

营业中

休息中

四宝食堂平时系铜锣湾既话我最钟意呢间新式茶记，入边啲位好好坐野食都好好味。北海道咖喱吉列鱼柳饭呢款吉列鱼柳系我哋平时食开西餐Fish and chips 𠮶只炸法，超级大件。炸皮脆卜卜，但系入边超级多汁鱼柳好鲜味。好钻！咖喱汁好浓厚，呢只系唔辣𠮶只，唔食辣嘅朋友都可以试。百里香烧春鸡伴美式炸薯条烧春鸡系热辣辣咁上枱，唔知系咪即刻烧好出泥。一咬落去爆哂汁，好香香草味又唔会太咸，仲有少少蜜糖味。配埋粗薯条真系一流呀！雪山西多士港式嘅西多士通常系比较薄身既面包，四宝食堂呢款系比较厚身有口感，中间既花生酱一啲都唔孤寒，外脆内软好味！雪山红豆冰呢杯特饮真系有啲夸张，超大杯！底层啲红豆好软腍够甜，淡奶上面仲有一层极邪恶嘅cream。哗，一啖饮落去超满足！感觉食嘅所有食材都系新鲜足料有品质，值得一试。