八月茶室 (皇后山商場)

营业中

休息中

皇后山邨个环境清静空气又好，暂时得几间餐厅，坐系喱个茶室空间够大，唔使迫住又唔洗等位，仲可以望住个月亮食饭本来想食佢推介既流心奶黄西多士，但面包卖晒，无得试。有晚餐精选叫左招牌酸菜鱼，大概2至3人分量，鱼片多过酸菜😆，够大片唔散仲啖啖肉，内里仲有水晶粉，厚切莴笋，芽菜，仲洒满芝麻令汤更香，配咸柠七同例汤。金银蛋浸小白菜🥬汤底浓郁菜汤味，少少咸味由皮蛋渗出黎，仲有大量茹吸收晒汤味送饭一流。椒盐鲜鱿，咸味适中，多炸粉咗少少，份量正常。