旺囍車仔麵 (已結業)

同朋友系旺角行街，想食车仔面，结果行行下真系大大个招牌写住车仔面，就跟住个招牌行车仔面店黎讲，环境算好干净企理，而且装修好特别，走复古路线，同平时既车仔面店好唔同店铺墙身仲挂住左食物名称既牌，令人一目了然食物款式几多，而且都几特别，搞到我样样都好想食好想试😂叫左杯冻鸳鸯，奶茶同咖啡既比例调配得几好，味道好融洽朋友就叫咗冻柠乐，系一整罐可乐上，可以拣全糖或者Zero叫咗碟炸鱼皮，食落好脆，咸咸香香，碗面未嚟到，几乎当薯片咁食晒朋友就叫咗碗油面、鱼肉春卷、鲮鱼球、鸡翼同贡丸，份量都几多，每个𩠌都有3件，试左朋友每样少少，鱼肉春卷外脆内软，鱼肉味几重。鲮鱼球炸得好香脆，口感弹牙，好足料。鸡翼肉质几滑。贡丸大大粒，食到冬菇香而我就叫左粗面，粗面口质烟烟韧韧，索哂d汤汁，牛腩好腍入味，猪软骨d骨都好易咬开几好味。而萝卜清甜，去除油腻感。车仔面黎讲算系几高质。