School Food (已結業)

今日下午同朋友系沙田新城市广场行完街，想揾个地方吹下水，就入左去呢间新式韩国餐厅School Food 开餐喇。今次得两条友，所以就叫左四样野食，分别有炸鸡配大葱沙律，乌卒卒，绅士先生，同埋小食拼盘呢四样。而有两样食物系我每一次帮衬，都一定会叫的，就系炸鸡配大葱沙律同埋乌卒卒，因为实在太好味喇 ! ! ! ! 炸鸡配大葱沙律 : 每一次食都觉得好好，唔知佢用乜嘢方法可以整到外皮香脆但内里啲鸡肉仍然咁滑。乌卒卒 : 不解释总之一定要食。绅士先生 : 用鸡蛋皮包着寿司，内里有韩式午餐肉。小食拼盘 : 分别有三件猪肋骨，三只鸡翼，炸鱿鱼圈及薯条。猪肋骨，炸鸡翼及炸鱿鱼圈都一般冇咩惊喜。虽然佢有好多薯条做底，但可惜薯条是麦当劳果只，如果转做粗身薯条或薯角我念整体来讲效果会更好。作为精明消费者嘅我下次一定唔会再点呢个。