小火焰韓式咖啡廳 (觀點中心) (已結業)

放工同朋友去屋企附近嘅餐厅聚一聚，突然好想食韩国野就决定试下呢间。我同朋友两个人，计埋饮品甜品叫咗8样野。炸紫菜卷$32 - 外面炸得够脆，唔会淋。入面系粉丝，味道唔错。凉伴海带$22 - 好少嘅辣，几开胃。蜂蜜提子脆米炸鸡(半份)$88 - 呢款炸鸡系有惊喜嘅，闻落已经好香蜂蜜味。食落甜甜地，加上炸粉唔厚又有肉汁，好满意。芝士海鲜菜饼$68 - 比想像中细，但海鲜料都足。柚子明虾水冷面$88 - 份量都几大，有三只虾，肉质弹牙，面质偏淋。蜜瓜沙冰$46 - 好大杯！味道清甜，唔错。岩盐焦糖咖啡$34 - 较适合钟意偏苦咖啡嘅朋友糯米糍 3.6牛奶乳雪花冰$58 - 呢个价钱好 抵食，中间有炼奶，但系唔会太甜。最钟意系佢个糯米糍，个皮够烟韧入面包住mousse。两个人叫咗咁多样野系勉强食得晒，如果食量较大嘅朋友可能要叫多啲饱肚野！其实佢有二人餐/四人餐系抵食嘅，不过我地想食其他野所以散叫食物。整体上味道唔错，会再帮衬。