魔膳廚房 (已結業)

上昼到观塘办D事，咁就顺便喺度食埋个 lunch，好在而家工业大厦𠮶边开咗好多唔同类型嘅食肆，选择多咗好多。今日拣咗呢间坐座落业发工业大厦第一期嘅魔膳厨房，虽然要行一层楼梯上去，但楼梯两旁都挂满艺术作品，布置得几得意几有特色，希望花同样心思喺D嘢食度喇。餐厅入面都布置得好有心思打开餐牌一睇，呢度 Lunch set选择都算多，加$10有餐汤餐包，再加多$20就有埋任食嘅自助沙律吧㖭。餐汤餐包先上，南瓜忌廉汤卖相同味道都唔错，餐包亦唔系一般货色。主菜未嚟，整碟沙律醒醒胃。我今日拣咗越式椰青咖哩鸡配意粉($58)，咖喱甜中带微辣，唔同平时食开又浓又辣𠮶啲味道同口感，几清新。同行友人点咗蒜香榄油巴马火腿虾球意粉($65)，佢话D虾食落够爽，而意粉喺淡淡蒜香中带点微辣，味道同口感都恰到好处。最后叹番杯香浓咖啡，可算喺为呢餐画上圆满嘅句号。