影片
更多
2018-07-10
56 浏览
为左感受世界杯气氛，放工之后约埋女朋友加朋友去左一间地点方便，主打德国肉肠，猪手为主题既德国酒吧。去到门口见到呢间酒吧既装潢都别出心裁。有简而精，字体优美既酒类布板。以砖头堆砌既外墙富有古代感，跟普遍酒吧设计与众不同，令我觉得有新鲜感。入到酒吧之后，发现灯光比其他同行较光，呢点我个人十分喜欢，太暗我会有睡意。店内用餐环境卫生都非常高，无烟酒吧，外墙布置左德国挂画，木桶，令客人加深印象。因为第一次去正宗既德国酒吧，所以坐底之后有位应该系酒吧既老板亲自招呼我地。虽然老板既广东话唔太流利，但系胜在笑容足够，介绍非常详细。推荐左不少既德国啤酒，佐酒食物。令我地对德国既品牌，美食有更深一层既认识。由于我地都你系新手喇，以下就系佢推荐既啤酒，食物。Paulaner Weiss Dunkel 我个人偏好饮黑啤，平时饮开都系市面酒吧最常饮到既个只品牌。呢杯黑啤味道比较醇，闻上去好香既麦味，口感比较滑，就算饮剩少少变左常温，苦涩味都唔会增加，唔会似饮中药味。最重要系酒精浓度唔高。好岩想试饮黑啤既朋友，会易入口。比亚荷夫烤肠拼话明主打系肉肠，当然要试下！烤肠拼盘分别以碟呈上，有牛仔肠，烟薰，原味，黑椒。沾
以砖头堆砌既外墙富有古代感，跟普遍酒吧设计与众不同，令我觉得有新鲜感。入到酒吧之后，发现灯光比其他同行较光，呢点我个人十分喜欢，太暗我会有睡意。店内用餐环境卫生都非常高，无烟酒吧，外墙布置左德国挂画，木桶，令客人加深印象。
因为第一次去正宗既德国酒吧，所以坐底之后有位应该系酒吧既老板亲自招呼我地。虽然老板既广东话唔太流利，但系胜在笑容足够，介绍非常详细。推荐左不少既德国啤酒，佐酒食物。令我地对德国既品牌，美食有更深一层既认识。由于我地都你系新手喇，以下就系佢推荐既啤酒，食物。
Paulaner Weiss Dunkel 我个人偏好饮黑啤，平时饮开都系市面酒吧最常饮到既个只品牌。呢杯黑啤味道比较醇，闻上去好香既麦味，口感比较滑，就算饮剩少少变左常温，苦涩味都唔会增加，唔会似饮中药味。最重要系酒精浓度唔高。好岩想试饮黑啤既朋友，会易入口。
比亚荷夫烤肠拼话明主打系肉肠，当然要试下！烤肠拼盘分别以碟呈上，有牛仔肠，烟薰，原味，黑椒。沾酱方面有芥末酱，酸忌廉酱，但我个人都系中意原味，决定先唔沾任何酱。肉肠款式多，但各有特色！我对牛仔肠，黑椒肉肠极为喜欢。牛仔肠因为没有加入猪血，所以肉色偏白，但味道浓郁，带有平时去食扎肉既味道，肠肉咬口唔会太实，更食到少少蒜香味道。其次就系黑椒肉肠。肉肠有少少爆开，黑椒粒清楚可见，味道虽辣，但非死辣，切开后有见到肉汁流出。味道层次不同，食到黑椒辣味，沾上酸忌廉酱最合适，酸中带微辣，醒胃。伴碟既自家腌制既蔬菜都值得推荐大家一试。咬口爽脆，酸味足够，几分甜味，可以一解饱和感，如份量再多少少就非常完美！
咖哩猪柳中东夹饼 当呈上后我以为系会有一碟咖哩附上，因为外形太似印度烤饼。原来内有干坤，原来夹饼中混合左猪柳，洋葱粒，绿豆，芝士，咖哩，再煎香两面以成！味道方面，一试爱上！一改我对烤饼印象，咬落第一口食到好浓郁咖哩加芝士味，芝士更可以拉丝。猪柳肉粒嫩滑，味道层出不穷，咖哩味道虽浓，但不会抢走其实其他食材味道，夹饼表面虽然经过煎炸处理，但不太油腻！可见酒吧内的食物也相当出色。值得一提夹饼附送一小碟冻咖哩芝士酱，点落去味道唔会有喧宾夺主，非常夹。一冻一热既感觉都几刺激！
烧汁烤松露肉丸 肉丸平时食得家私个间就食得多，手工肉丸就未食过，所以都充满期待。上菜后果然冇失望，比我预期中味道，感都好丰富。首先肉丸形状大小统一，值得一赞。第二，咬口唔会好似食紧面粉鱼蛋，成粒都系猪肉丸黎，唔太实，肥瘦配合唔错，食到淡淡松露味道。第三，肉汁方面稠身度岩岩好可以包住肉丸，味道唔太咸。再加上有巴马臣芝士，令到个味道更加丰富，饱腹感都比较易感觉到。食左两三粒都觉得少少饱。整体味道都唔错！
原只招牌德国烧猪手 好味既野几时都系最后先出场，原只猪手皮跟肉分开，先讲猪手肉既部分，唔实肉，肥瘦唔会分离。咬落口味道唔咸。因为肉预先切好，唔洗自己慢慢拆肉，食既时候唔洗咁辛苦。其次就系佢唔油腻，唔会个木板周围都系油，证明唔系预先焗定再翻热。系即叫即整。好有诚意，唔会马虎。最后，猪皮好脆口，食落口都系唔咸用左醋同埋盐迫左水份，所以就算摆左一阵都唔会软身番，都仲系好脆。果然系招牌菜。
整体而言，环境都几宁静，可能个段时间仲未有世界杯赛事关系，最岩朋友聚会。食物都非常高质素，虽然系酒吧，但系都唔输比餐厅。
同埋成餐饭不时都有文哥亲自介绍菜式同埋解答下问题，令到我地食野之余都学到野，对啤酒既认识都加深。下次都会再去！
张贴
