新越越式料理 (已搬遷) 新店位置

第一次踩入依到开始写下食评，第一篇要好好纪念下，哈哈...眼见而家愈黎愈多不论越式定泰式既生牛肉河粉既餐厅开张，呢样食物系香港真系好受欢迎，睇下有啲越南汤河既餐厅门口长期有条长人龙系到排队就知啦。今日放咗工同朋友两个人又出发去揾好味既生牛肉河粉，由于九龙城对我地两个黎讲都算就脚，就拣咗呢间Pho 试下。黎到已经差唔多8点，餐厅入面位唔算太多，但已经坐满咁滞，生意都几好，我地坐喺比较入面既位。汤河有套餐可以拣，价钱唔贵，包埋野饮都系50几蚊。或者都可以拣佢本身set 好既二人餐，有炒菜同甜品添我地每人都叫咗一碗生牛河，汤底浓厚甜美，生牛肉都几新野同滑，熟咗都唔鞋，河粉亦都唔错食亲牛河都有送既配菜，千层叶同青柠我地仲叫咗个串烧猪肉三串同牛油鸡翼，very juicy,惹味最后送上我地既特饮，青柠梳打同椰汁三色汁，食越南牛河必叫既，绝配。