木屋 (已結業)

一向都系睇人地写，今次终于想自己写。嘅然作为第一篇，就揾间新餐厅写，作为一个好开始。大围木屋，我记得我细细个已经喺度，不过早几个月见到放满花牌，心想应该转了老板，近日终于有时间去再会一会佢。今日系复活节假期，我7点几去到，见到已经满坐，可见水准应该不差。门囗的靓女亦都好有礼貌派张飞俾我，叫我等等。大终过了15分钟，头先位靓女就安排我去了张2人枱，舖头虽要不大，但都坐得不会太逼，抵赞！！望了望Menu..食物款式都几多，有些我估系老板自家创作，皆因有些我系未见过的。见到黑板上写了些厨师推介，价格亦都合理，就叫了：黑松露赤虾sushi..加拿大海胆sushi...牡丹虾刺身...油甘鱼刺身，另外饮了支冻清酒。鱼生十分之新鲜，鲜甜。特别系牡丹虾，足足有一个手掌咁长，虾头也好细心炸了，送酒冇得弹！！慢慢细赏后，有位店员放下了一碟炸三文鱼皮，我本来冇叫到的，以为系佢搞错枱号，送错单。一问之下，原来系头先门口位靓女送的，好让我用嚟送酒。正！！饮饱食醉后便埋单走了，好让他们再做下一轮生意。本来没有打算写食评，所以照片就冇拍了，但系有咁好嘅服务，值得一写，作为新手第一篇都不错。我下次会再来的！