梨滿園韓國料理 (已結業)

熟蟹就是食多啦，第一次食生嘅酱油蟹，我都系带着战战兢兢嘅心情去试吓。呢度两只酱油蟹，睇落去都有一只碗咁大，size 都算系咁，不过都唔敢食太多，始终都系生吖嘛。我对蟹盖始终都有一种钟爱，对于呢一种第一次混合嘅方式，感觉甜甜地又咸咸地，食落味道真系一流，我都系第一次食，难以比较，但朋友话呢种食法系韩国食都系好正，下次真系要去韩国食番转。之后当然梗系要食烧肉啦，牛肉真系几正，自己有独特嘅酱汁，都算系唔错。 不过，要讲到最正都系呢一个牛肋肉，一食就上晒瘾，份量唔多，但系脂肪饱和度非常好。一碟带子，七大粒。口感都几爽口，虽然都系雪藏嘅材料，但系呢个价钱食到呢个质素算系性价比几高。总括来讲，我一定会再嚟食多几次酱油蟹，食完都冇肚痛等等问题出现，下次一次食两三只都冇乜问题，至于烧肉，其实选择都几多，我食到一半都已经好饱，唔系食得好多。