緣屋 札幌元袓蝦湯拉麵 (信德中心)

营业中

休息中

哩间拉面店位于信德中心，开左唔够半年，一直都好想试，难得今日同朋友过开上环当然要试下。星期六两点黎到，已经坐无虚席。好彩未见人龙，好快就安排入坐。哩间拉面店除左拉面，仲有丼饭同小食，比起其他拉面店款式都算多。拣左两款拉面🍜，汤底都好浓有油层，必定经长时间肴制而成。两款拉面都用同一款面，面质偏硬烟韧，有口感。两款拉面各有一块叉烧，肉质好淋，味道相当唔错。如果多两块就更加完美。酱汁虾浓汤拉面，有半只蛋，汤底呈红色，不过就唔系辣既，里面放左大量小虾干，虾味好重，味道偏咸。相反焦香酱油虾浓汤拉面，虾味冇咁突出，酱油味道更香更浓，汤底我比较喜欢哩个。配埋个姜蓉酱味道更出。饺子🥟皮薄外脆，同拉面系绝配。一口牛油粟米饼，无想像中咁细块，牛油系熟辣辣既饼面上迅速溶化同吸收，粟米饼好松软，里面仲食到有粟米粒粒👍🏼👍🏼。食完唔觉口渴，真材实料。