Coyote Bar & Grill (已結業)

朋友鍾意食墨西哥菜，所以我就同朋友嚟到灣仔既墨西哥菜餐廳 Coyote。餐廳位置幾近灣仔港鐵站A1出口，所以都幾方便。嚟到門口發現原來最近餐廳做緊$188+10%一個人既任食自助晚餐，逢星期一至星期四。餐廳有兩層，下面主要客人都係飲下酒或者食單點食物。第二層就有食物擺放比客人任食。任食既食物包括有蝦/蜆，美國卡珍燒牛肉，烤豬仔骨，燒春雞，薯仔，當我諗緊好似無咩墨西哥元素既時候，我發現都有nachos，牛油果taco等墨西哥代表食物。任食甜品就有panna cotta，心太軟，cheesecake同brownie等。加$20有凍檸茶或者Coyote賓治任飲，客人可以自己斟。食完前菜就食燒春雞同埋pulled pork mini slider，食完都幾飽肚。