發記甜品 (已結業)

喺深井做甜品做到冲出嘅市区嘅，最近除咗传统中式糖水之外，仲大玩西式甜品：梳乎里班戟、心太软，通通齐备！唯一无变嘅系继续坚持用品质上等食材，keep住每日入吕宋芒、D24榴梿新鲜制作，确保每日大家都可以食到够晒浓郁，果味香浓同果肉丰富嘅糖水！圆圆嘅班戟令人睇到都开心！班戟软绵绵，味道唔会过甜，加埋糖浆同芒果味道好夹，再配埋冻冰冰雪糕更加柔滑，无论男女都一样钟意。之所以系招牌菜，系因为佢地手选新鲜芒果，确保芒果够晒熟无渣先用！仲有自家芒果茸秘方，食落啖啖都系鲜甜芒果味加西柚肉粒粒，够晒口感得嚟入口又滑溜！外皮烟烟韧韧洒满椰丝，内里芒果馅非常丰富，食落去满口都系芒果蓉，非常香甜！上层系心太软，下层系雪糕、Oreo碎同埋食得嘅花花，食果阵可以将Oreo碎同花混合心太软一齐食，榴梿嘅香味加埋软滑雪糕真系好正！顺带一提，老板话佢地榴梿全部都系选用D24，味道够晒香浓！