黃記煌三汁燜鍋 (已結業)

見到大家黎依到都係食傳統燜鍋，好耐之前其實都試過一次，係好正，今次再訪係因為佢新出左一個麻辣鍋，唔再係燜鍋形式，真係打邊爐個隻麻辣火鍋🌶🌶-座位寬敞闊落👍🏻-呀！仲有一樣鐘意依到既原因係會食到許留山甜品同飲品啊🙈雖然唔知係咪真係許留山，但係味道都一樣，打住邊爐飲真係好爽芒椰蘆薈爽🥭好大杯！！芒果都蘆薈都好都足料！-主角 麻辣海鮮鍋（海蝦、墨魚仔、魚柳）簡左小辣 但都真係幾辣 食到我流哂鼻水🤣🤣🤣係又麻又辣 見個鍋幾紅就知 仲要愈滾愈辣！朋友食得勁開心😃海鮮吸晒辣汁精華，最好食係魚柳，軟稔稔既魚肉，口感幼嫩細滑，好似食緊平時d辣魚煲咁，墨魚仔咬落都好爽口，蝦肉都彈牙-食完鍋入面既配料就到打邊爐喇紅薯粉係必叫！🤣🤣吸晒辣精華，食唔停，錄十秒煙煙unun得左 仲有蜂巢豆腐，辣到好爽🌶最正都係手打丸系列：黑松露墨魚丸同鵝肝蝦丸🙌🏻🙌🏻十分大粒十分彈牙，黑松露墨魚丸大愛呀！！超重黑松露味，重到辣味完全蓋不過，jeng！之後仲叫左碟涼伴小食，麻辣豬耳，依個辣度好適中，係開胃既辣最後甜品係芒果糯米滋🥰