新斗記 (已結業)

因为有屋企人住屯门，所以间中都会黎屯门城广场新斗记饮茶。公众假期等得耐就预左架喇，但坐底后啲侍应既服务真系奇差，差到忍唔住要写篇食评🙄我地一行8人，有大有细，叫左十几样点心。点心质素唔错，但碟例牌叉烧咸到傻，千祈唔好叫😟唯一想介绍系个煎糯米鸡，因为我未见过呢个整法，唔讲都唔知系乜😂咁我地食完点心后，叫多个瑶柱蛋白炒饭。突然一个女侍应粒声唔出行过黎收走啲蒸笼、点心碟等。本身都正正常常，但突然佢开始收埋我地啲碗筷。（唔系换碟，系执枱𠮶种收碟）我地呆左，然后话比佢听我地未食完，然后佢「下」一声，然后走左。要我地之后叫另一侍应先比番啲碗筷我地食炒饭🙄讲真啲点心唔特别好，坐得唔特别舒服，唔好再黎，系咁先👋🏻