槾悠

营业中

休息中

经过见荃湾近排开左一间新嘅泰国菜，心郁郁想试好耐，最后近排同男朋友黎左试试😋餐厅泰国风嘅装修好靓，打卡一流👍🏻加上座位好宽阔，坐得好舒服😌第一道菜，我地叫左泰式豚肉生菜包。生菜好新鲜，食落口好爽口。另外猪肉味道啱啱好，微辣。钟意食泰国菜嘅我，点会错过冬荫功呢😆 依个冬荫功好足料，汤里面有好多海鲜，包括有青口、蚬、大虾、鱿鱼圈等等。汤好浓，偏酸少辣，饮落好开胃😋另外我地都叫左青咖喱猪颈肉。青咖喱汁好浓超好味，我地捞饭食停唔到口😋😋猪颈肉每片都厚切，啱晒钟意食肉嘅朋友😌我仲有叫左松叶蟹肉奄列。蟹肉好鲜味，连埋奄列加旁边嘅酸辣酱食，特别有一番滋味😋主菜方面，经典大虾炒金边粉。金边粉炒到好干身，有锅气，好味👍🏻嘢饮方面，我地分别叫左一杯珍多冰同埋一杯冻Mocha，都唔错👍🏻👍🏻最后我地叫左椰香泡泡芒果糯米饭做甜品，芒果糯米饭上面有焦糖碎同埋干花瓣，又有卖相，又比平日嘅芒果糯米饭增加多一层口感，为今餐画上一个完美嘅句号。