日喜樓 (已結業)

今天嚟到铜锣湾，朋友带我去日喜楼食川沪菜，鹅颈桥过完马路行入登龙街就见到电梯，好易揾。新颖格调的室内设计，让人有轻松舒服嘅感觉，胃口自然大开。朋友是生胴饮食一族，陪佢唔食包唔食饺唔食面，今餐只吃肉，朋友话呢度有好多菜式都啱佢食。我们叫咗五个菜，杞子花雕醉鸡~ 盛载嘅钵子好漂亮，鸡件好滑，酒味香浓，愈食愈滋味。大千鸡~ 感觉像熏鱼嘅做法，鸡件炸得香脆可口，酱汁甜甜地辣辣地，非常美味。孜然羊肉~ 我平日少吃羊，但孜然羊一定食，因为孜然这个味道同羊真系好夹，简直系绝配，师傅炒得啱啱好，羊肉唔会太熟，有口感得嚟唔韧。银芽炒鳝糊~ 最近想食鳝糊好耐，今日终于有机会，这个菜做出水准，爽口银芽配嫩滑鳝肉，果真不错，味道浓得嚟唔会太咸。黑松露天椒炒蛋~ 这个是呢一餐我最喜欢嘅菜式，只是落咗少少辣椒粒，唔会太辣，香浓嘅黑松露配滑蛋炒菇，坚正！这餐厅有厢房，布置很优雅，晚一点有客人食百碟宴，见店员不断送入许多漂亮钵子盛载的菜肴。如果唔够人多，也会有50碟宴，菜色也大同小异。