粉紅水門雞 (中海日升中心) (已結業)

新水门鸡饭@观塘 新开嘅粉红水门鸡饭装修企理，价钱仲好亲民𠻹。店员见我哋喺出面头岳岳，好快就招我哋入去坐，招呼几爽手～叫咗最多人拣嘅鸡饭同猪手饭，睇落认真唔错，跟两个唔同嘅汁。水门鸡饭份量够哂足，呢个价钱真系 CP 值高！鸡肉非常嫩滑无骨，啖啖肉，最紧要𠮶个泰式酱汁亦都酸酸辣辣开胃惹味。而且油饭嘅口感好轻盈，香得嚟唔滞，成碟都食得哂。卤水深色，猪手卤得好入味，切开一条条方便食得多。猪皮有弹性唔韧，好有骨胶原咁。咸酸菜腌得爽脆，系配菜但系画龙点睛～个饭重有一个温泉蛋，丰富到一个点，同埋真系好食。依度无套餐嘅，饮品另外点，不过加埋都唔过 $50。冷泡茶都系 $12，汽水就再平啲系 $8。薏米水有浅浅嘅香茅味，有泰式风味之余唔太呛鼻几好。沙律比我想像中 spicy，食落原来都唔少，青木瓜丝食极都有，哈哈！另外混咗车厘茄同花生，无咁单调。芒果超甜啊，大大块铺满㗎。糯米饭软糯有香浓椰香，整个芒果糯米饭好好味，都只系 $18 咋。