聚聚 (已結業)

《脆皮魚香茄子》茄子切片炸得香脆，外脆內軟，平時一齊煮嘅魚香今次就變咗一兜汁，要自己林上去茄子度食，係幾有趣但係就完全送唔到飯，變咗做一個前菜。魚香汁冇乜魚香味即係冇乜鹹魚味，點落個茄子度都係啱啱好送到個茄子一齊食，唔能夠話好好食， OK啦。《開胃銀絲黃》黃芽白加咗泡椒落去煮，個湯酸酸辣辣係幾開胃，但係黃芽白唔係好soak到啲泡椒味，咁我自己篤爛下啲泡椒再浸咗一陣再食，就食到黃芽白都帶有泡椒嘅酸香辣。呢兩個都算係前菜，表現唔錯亦都唔係好貴，係份量少啲。另外，一入座會送一杯椰皇水裏邊有啲菠蘿粒，都幾好飲。