唐宮小聚 (The L. Place)

营业中

休息中

一直以来都几钟意呢类较新派风格，又有一啲在其他地方揾唔到嘅创意菜式嘅中菜馆。  呢度嘅连餐具都有gimmick，碟上面印有小昆虫，几得意，同食客开个玩笑 。一打开餐牌见到有好多嘢都想试，拣咗好耐终于order咗几款点心同小食仲有小菜。呢度帮刈包改咗一个带有台湾味道嘅名- 猛虎咬猪(HK$39)，猪腩肉口感腍身加上腌菜，带少许油香，但绝对不会食完觉得成口都系油。最期待之一就系呢款好似真冬菇一样嘅松露香菇(HK$49)! 包身几松软，钟意入面切咗粒嘅香菇 ， 不过松露味可以再重啲。至于小食方面就order咗小食拼盘(HK108)，可以拣一款鸡／猪手 +2 款其他小食，拣咗比较特别嘅葱油树鸡，仲有雷椒茄子同埋辣鸭拉皮。葱油树鸡味道有啲似沙姜鸡，鸡肉都算嫩滑; 个人唔系好钟意辣鸭拉皮因为麻麻地香菜嘅味道。呢款黑醋鸡花(HK$79) 系我整晚最喜欢嘅菜式之一 ，食落有啲似糖醋排骨嘅味道，而且啖啖肉!另一款呢度嘅招牌点心 - 玫瑰馒头(HK$29)，卖相本属平平无奇嘅馒头巧制成淡粉红嘅玫瑰花 ，馒头质感几松软，不过一定要趁热食!中间包住带啲甜味嘅豆沙馅，个人钟意点埋炼奶一齐食。 因为不