六公館

营业中

休息中

能够一边望住维港景一边叹中菜，以呢个价位黎讲，六公馆一定系首选！餐厅将中菜新潮化，黎影维港靓景之外，茶具餐具都吸引到人打卡～八味金砖豆腐炸皮做得几薄，入面豆腐唔会炸到干晒，仲好嫩滑。八味就唔系好食得出，唔知系味指七味粉既「七味」+豆腐味「第八只味」呢（笑）黑蒜焗羊鞍卖相好特别，估唔到d黑蒜好似炭粉咁布满羊鞍表面。而且d蒜粉都唔系净系做样，食落都系好香蒜味既。花雕醉鸽摆盘好用心咁拼番只鸽既形态出黎，鸽肉好细嫩，花雕入馔亦做得好入味，可惜鸽既size偏细，份量相对就少左d。松茸羊肚菌海胆烩饭中式烩饭上面加旧海胆，呢种新派中菜crossover咁既做法，其实食落又唔会特别话好夹。桂圆烩和牛脸颊和牛脸颊焖到好腍好入味，用黎送白饭都够晒正。龙井熏太爷鸡上菜前用龙井茶叶系入面焗住烟熏，一上枱打开个下，龙井味散出黎好香茶味。食落d鸡都有淡淡茶香，鸡肉亦煮得好嫩，即使鸡胸位都唔会鞋口。