影片
更多
2024-06-21
58 浏览
出街食饭好易多肉少菜，间中食下素菜对自己身体都好，而家好多素菜餐厅五花八门，菜式创新一啲都唔会闷，今次同朋友系尖沙咀揾到间素菜餐厅，见到餐牌好多野食选择，一于今晚去食😆牛油果杂菜沙律 $98沙律份量几多，牛油果都好足料，落左黑醋拌匀沙律菜，味道酸酸甜甜，醋味唔会太浓烈，平衡得几好香芒天妇罗炸豆腐$88炸豆腐炸得金黄香脆，炸衣好薄，一咬里面滑溜溜嘅豆腐差啲跑出黎😆 外皮香甜嘅芒果汁食落更加开胃京都片皮鸭 $128呢道菜setting已经有90%像真度😍烤得少少脆口嘅面筋蘸上酱汁，再加埋热辣辣饼皮同彩椒一齐食，口感味道都唔错素食三文鱼拼盘 $68打卡度爆灯💡卖相仙气十足，素食三文鱼系蒟蒻做，蘸埋芥末豉油，食落真系好似真刺身😂忌廉蘑菇浓汤佐菠菜苗（奶）$98菠菜苗煮得嫩滑，旁边嘅忌廉蘑菇浓汤入口顺滑，味道香浓🍄🟫天妇罗综合蔬菜球配特制酱汁 $38蔬菜丝炸得脆口，蘸上酱汁好有日式风味意大利香草忌廉天使面（奶）$118忌廉天使面煮得Creamy，菇菌味香浓，再配上脆卜卜嘅素猪排，差啲唔记得自己系食紧素😂甜梅菜肉饼饭 $98有惊喜😍肉饼唔会似坊间素肉饼食落会好干身，食落Juicy，加埋甜梅菜更加
出街食饭好易多肉少菜，间中食下素菜对自己身体都好，而家好多素菜餐厅五花八门，菜式创新一啲都唔会闷，今次同朋友系尖沙咀揾到间素菜餐厅，见到餐牌好多野食选择，一于今晚去食😆
牛油果杂菜沙律 $98
沙律份量几多，牛油果都好足料，落左黑醋拌匀沙律菜，味道酸酸甜甜，醋味唔会太浓烈，平衡得几好
香芒天妇罗炸豆腐$88
炸豆腐炸得金黄香脆，炸衣好薄，一咬里面滑溜溜嘅豆腐差啲跑出黎😆 外皮香甜嘅芒果汁食落更加开胃
京都片皮鸭 $128
呢道菜setting已经有90%像真度😍烤得少少脆口嘅面筋蘸上酱汁，再加埋热辣辣饼皮同彩椒一齐食，口感味道都唔错
素食三文鱼拼盘 $68
打卡度爆灯💡卖相仙气十足，素食三文鱼系蒟蒻做，蘸埋芥末豉油，食落真系好似真刺身😂
忌廉蘑菇浓汤佐菠菜苗（奶）$98
菠菜苗煮得嫩滑，旁边嘅忌廉蘑菇浓汤入口顺滑，味道香浓🍄🟫
天妇罗综合蔬菜球配特制酱汁 $38
蔬菜丝炸得脆口，蘸上酱汁好有日式风味
意大利香草忌廉天使面（奶）$118
忌廉天使面煮得Creamy，菇菌味香浓，再配上脆卜卜嘅素猪排，差啲唔记得自己系食紧素😂
甜梅菜肉饼饭 $98
有惊喜😍肉饼唔会似坊间素肉饼食落会好干身，食落Juicy，加埋甜梅菜更加惹味，极力推荐👍🏻
青梅子气泡特饮 $38
有2粒原粒青梅，加埋梳打水，味道清爽又唔会太甜
手冲咖啡（限定）$60
估唔到系素食餐厅会饮到杯咁高质嘅手冲咖啡☕️店员先有几款口味嘅咖啡豆选择，再即时手冲，今次拣左深焙嘅黄金曼特宁，味道醇厚，香中带苦，苦中带甜，完全唔酸，令人回味无穷
张贴
