影片
更多
2019-05-01
587 浏览
卡卡由细到大就跟住爸爸妈妈去饮茶，自己觉得陪住老人家去饮茶令到佢地开心，卡卡系好乐意做！要记住爸妈费尽一生来养育我们，陪佢地饮茶这么简单的事都做唔到的话，就认真抵打！.但系而家啲后生仔女就真系唔系太钟意去饮茶(我指我d仔s)，觉得饮茶就系【老土】！尤其彦彦大仔成日觉得无嘢岩佢食，饮亲茶都只系得叉烧肠粉和叉烧饱可以拣！所以每次卡卡话陪4大长老去饮茶时佢都耍手拧头，不愿意跟去....或者系被迫跟著去....为了改变他们对饮茶的态度及想法，岩岩个星期日我同卡佬带左佢去新派创意点心餐厅《得闲饮茶》~希望令佢爱上饮茶~🤭 潜移默化地令他爱上饮茶，期望佢哋大个都会陪我哋两老《得闲饮茶》！🤣.果然真系无带错，2兄弟好钟意呀～仲食得好开心，呢度点心除了卖相特别及可爱之外，味道更是美味喔～即叫即蒸， 热辣辣上枱，而家睇返d相都觉饿呀！而家即刻想再去过~🏃♂️🏃♀️.原笼凤爪排骨饭 $36每次去饮茶都会必点凤爪排骨饭， 粒粒饭分明， 配上凤爪排骨嘅汁及甜豉油，真系一碗接一碗不停食，一笼饭足足有4，5碗饭！ 饭桶嘅你一定要点~.春风得意肠 $34软滑弹牙嘅肠粉皮包住脆卜卜嘅油炸鬼及馅料，绝配！超好味！有d地
卡卡由细到大就跟住爸爸妈妈去饮茶，自己觉得陪住老人家去饮茶令到佢地开心，卡卡系好乐意做！要记住爸妈费尽一生来养育我们，陪佢地饮茶这么简单的事都做唔到的话，就认真抵打！
.
但系而家啲后生仔女就真系唔系太钟意去饮茶(我指我d仔s)，觉得饮茶就系【老土】！尤其彦彦大仔成日觉得无嘢岩佢食，饮亲茶都只系得叉烧肠粉和叉烧饱可以拣！所以每次卡卡话陪4大长老去饮茶时佢都耍手拧头，不愿意跟去....或者系被迫跟著去...
.
为了改变他们对饮茶的态度及想法，岩岩个星期日我同卡佬带左佢去新派创意点心餐厅《得闲饮茶》~希望令佢爱上饮茶~🤭 潜移默化地令他爱上饮茶，期望佢哋大个都会陪我哋两老《得闲饮茶》！🤣
.
果然真系无带错，2兄弟好钟意呀～仲食得好开心，呢度点心除了卖相特别及可爱之外，味道更是美味喔～即叫即蒸， 热辣辣上枱，而家睇返d相都觉饿呀！而家即刻想再去过~🏃♂️🏃♀️
.
原笼凤爪排骨饭 $36
每次去饮茶都会必点凤爪排骨饭， 粒粒饭分明， 配上凤爪排骨嘅汁及甜豉油，真系一碗接一碗不停食，一笼饭足足有4，5碗饭！ 饭桶嘅你一定要点~
.
春风得意肠 $34
软滑弹牙嘅肠粉皮包住脆卜卜嘅油炸鬼及馅料，绝配！超好味！有d地方嘅油炸鬼系林架。。食到一口油！呢度真系整得好好味！
.
原笼蔗糖马拉糕 $24
马拉糕质地细绵松软，难怪2仔咁钟意，一次过食咗4分三旧呀～👍
.
流沙奶皇包 $24
鬼马可爱造型，超吸引小朋友，香浓咸蛋黄流沙，绝不觉油腻！好怕只有油没有沙嘅流沙包！钟意食嘅会懂的！😎食多个都绝对无问题呀！
.
XO酱菜苗饺 $28
惹味嘅干瑶柱同虾干， 与菜苗饺好夹， 未试过嘅一定要试
.
姬松茸炖排骨汤 $32
彦彦哥哥最爱姬松茸，佢赞个汤好清甜，自己一个饮哂一盅呀！
.
红枣木瓜炖瘦肉汤 $30
木瓜汤啱晒我呢个母乳妈妈，配左红枣一齐炖，味道更香甜
.
虫草花花胶灌汤饺 $28
灌汤饺系老公嘅最爱，就连2仔都争住要饮，材料十足！
.
黑豚肉脆脆猪 $34
呢个系变奏版嘅咸水角，里面用上黑豚肉，即炸脆脆猪嘅皮好烟韧，好好食
千岛酱脆皮萝卜糕 $28
未试过咁样食萝卜糕，好特别！脆皮唔会过厚！ 配埋千岛酱就唔会觉得油腻
黑松露鲜虾饺 $27
淡淡嘅黑松露配鲜虾饺，不错的配搭
蜜汁叉烧包 $18
大仔必点系列，一口气食左2个叉烧包！好唔好食，都不用多讲啦～🤣
蜜汁叉烧肠 $23
味道好味
大食嘅我地一家食得开心又满足~如果卡位座位都可以放到BB椅就更好喇~2仔就可以自己一个坐系度食~唔使抱住佢食~
整体来说，卡卡对今次饮茶非常之满意～性价比非常高！茶位都只系4蚊一位，好抵！下次一定要再黎过！因为埋单出门口，我仔已经问我下次几时再黎呢度饮茶~🤭哈哈！大成功呀！Yeah!
张贴
