天草漁場 (已結業)

有落地大玻璃，同埋寿司吧枱。如果想睇厨师整嘅食，就一定要坐吧枱啦。因为佢哋嘅摆设真系好靓架。【天空吞拿鱼刺身】入口即溶，而且feel到好新鲜。会有两款嘅吞拿鱼，两款都系正嘅，油份多得非常足够【浜烧车海佬】将一只虾变成三粒，都睇得出系大大只虾，人人都中意。而且好容易就可以剥壳唔会整污糟手【大草大王鹅肝鸡翼】成个礼物盒咁上的，干草上边有成只鸡全翼，师傅即场烧出黎架。热辣辣，肉质丰富【藁草烧鲣鱼刺身】咁深色的刺身，以为会好浓味，食上去又几鲜味。【炸川海佬】成个篮的虾仔，望上去以为系薯片。细细粒，咸咸地，入口就香脆可口，送啤酒一流呀。加少少青柠檬更加清新。【熏木红酒牛脷】入口又淋又香，唯独份量就比较少。【鲍鱼拌海胆味噌】唔止鲍鱼咁简单 ，好甜而且厚度十足。【天草绯扇贝】黄色的贝壳 ☂️超靓靓，影相一流。而且好厚身食落汁多鲜甜。【黑酱油饭团茶渍】 净饭，有小小咸味，比较平凡。总括来讲成间铺头嘅菜式的味道属于中上，外表上超高分，服务质素都非常好。