十十川滬料理 (已結業)

餐厅位于foodcourt同层，主打四川菜，自选辣度。浅蓝色既格调舒服，餐牌种类多，由前菜到甜品都有多个选择。虽然食唔到好辣，但每次食辣都好过瘾，所以食物大多叫左小辣，或者唔辣既菜式。椒麻鸡(例牌$68)，超香浓麻辣味，麻味较重。鸡肉件件嫩滑唔‘鞋’，鸡皮Q弹，唔会觉得肥腻。而鸡件亦入味，小辣辣度刚好。底部有青瓜粒，新鲜爽口，冻食既鸡块好适合做开胃小菜。回锅肉炒花菜，肉片煎炒香，肥瘦均匀，唔会炒到过老而难咬。而花菜爽脆，加入大葱炒香，一碟𩠌菜既有肉亦有菜食。四川担担面($58)，热辣辣送上枱。花生汤底浓稠，面条挂汤，面身硬，所以唔会好易变软之余，口感亦提升。入面仲有d肉碎，就算拣唔辣，味道一样浓郁。炸馒头，外型吸引，就好似一把扇，得意打卡。新鲜出炉炸起即食，外层好脆，内里软，而且够热。配搭炼奶食，甜而不腻，就算单食/加奶，放耐左食，都保持到口感。酥皮凤梨奶黄窝饼，煎完即食好松脆既外皮，凤梨馅酸甜，内馅幼滑，而且每啖都食到凤梨馅。整体，QR code落单，食物好快就送上，份量亦非常足够。而侍应系有需要时先会过黎帮忙，唔会走黎走去，打扰你食野，赞。想食四川菜，尼间风格唔会大辣辣红色。