西關老祖 (文苑樓)

营业中

休息中

系住宅区有一间新派装修小店，几特别。佢主打外卖，所以店内只有一张导演椅供堂食既人，门口有部自助落单机，仲支援多个支付平台，好方便。落完单，可以睇到佢即场整我既食物。一向系濑粉忠实粉丝既我，叫左佢个招牌西关濑粉加辣。一打开外卖碗，望落好似平时食既狗仔粉，不过佢既濑粉好特别，比传统既粗，咬落较有口感。最重要既系佢$15渣，如果番工附近有，真系日日食都得，又抵又好食。炸黑毛猪肉棕，我俾男朋友盲猜下呢个系咩菜式，佢一咬落去就估到，因为食落去真系好有食棕既感觉，有糯米既香，再加猪肉既口感，配埋薄薄既炸粉，好有新鲜感。爆炒xo 酱萝卜糕，萝卜糕口感唔会系好粉，加埋xo 酱好惹味。老祖至尊颓饭，食落真系颓饭既感觉，但系好好味。佢既肉，做得好好食，好特别。自家制豆浆，好好饮，而且佢系微糖，更加饮到豆香。特别要赞佢系用玻璃樽装住，好特别，之后仲可以重用番个樽。咁样都系$150，几抵食，又食得好饱。