阿四車仔麵 (已結業)

行过旺角想揾嘢医下肚，见到间新式车仔面又几企理，横掂都要揾野食就入去试下😅餐牌都几多选择，车仔面面底都系基本野，汁我就简咗沙嗲味。配料就见到有唔同价钱选择，车仔面既好处就系丰俭由人，由普通肠同丸，到特色d既炸墨鱼卷同溏心蛋，就咁简𩠌都心大心细。见到有其他人推介个溏心蛋都叫左一只试下。果然只蛋系有惊喜，佢唔止系流心，仲好重花雕酒味，似系醉鸡入面既蛋，虽然个样唔系好靓仔，不过味道补返数，值得试下。其他配料就不过不失。如果系附近行开街想揾野食，呢间都系快靓正既选择👍🏻👍🏻