金妹記大排檔 (已結業)

今日无啦啦想食大排档，谂起金妹记大排档系铜锣湾开咗新分店，一于去试吓。呢间新派大排档，保留大排档特色的大圆台同镬气小炒等美食，但系环境非常干净企理，坐得好舒服。炒大蚬呢个好推荐！真系好大只蚬无花无假，而且粒粒都有肉唔会上碟得d壳，$7x已经有好大碟好食得过👍🏻 而且炒得好惹味好有水准。椒盐赖尿虾因为得两个人食，所以我哋净系叫咗一只试下。赖尿虾好大只好多肉，肉质厚实，feel到应该几新鲜品质几好，而且仲有虾膏！！😱正呀！炸猪手外层既皮炸到好香好脆，咬落去就食到好有口感既猪手，而且d肉都算几腍，而且唔会好干，重点系唔会过于浓味。同埋真系好大碟好抵食，同朋友一齐食就最啱啦！干炒牛河见到台太都叫干炒牛河，望落好似几好食，所以我哋都叫左。平时食唔到嘅干炒牛河通常都好多油，一系就炒得太干，一系就太湿。呢度于干炒牛河绝对水准之上，够干身但系唔会太干，而且重点系一啲都唔油，唔会食到个咀立立令。👍🏻👍🏻