久両菜

营业中

休息中

中环街市最近开了呢间装修新派嘅传统潮州铺，店内有多个霓虹灯牌俾人打卡，但无论鸡公碗、铁茶壶等嘅餐具都保留住传统大牌档风味。我地坐低后首先拣茶，店员再送上小食潮州咸酸菜及水煮花生。卤水鹅片拼墨鱼讲到潮州菜首先当然有卤水，呢度嘅卤水鹅片做得出色，入味而且肉质嫩冧，鹅肉肥瘦分明，充满鹅肉香味，墨鱼亦唔会太靭，底下嘅豆腐索晒卤水汁味沙姜鸡脚呢碟沙姜鸡脚份量比想像中多，沙姜汁味道浓郁惹味咸菜胡椒猪肚咸菜胡椒猪肚汤用瓦煲上，有保温嘅效果，另外汤料十足，有多件猪肚、猪肉及咸菜，饮落胡椒味香浓，够晒暖胃榄角黑豚腩肉配潮州金橘呢道菜感觉有啲似咕噜肉，猪肉粒经走油后再配上榄角炒，味道偏甜，所以要落金橘汁中和甜味，令到佢变酸酸甜甜更香味嗱渣炒面见菜名好新奇所以就试下，原来系潮式炒面，炒得好够镬气，简单得来好味最后仲好似一般潮州老店咁提供功夫茶，菜嘅味道偏涩但就啱晒去油腻感