私家廚房 (已結業)

一向都钟意捐窿捐罅揾好野食，今次比我揾到间超正私房菜环境好舒服，宁静得黎有种家嘅感觉，台边有帐幕，如果想有啲私人空间仲可以拉埋去添，绝对适合一家人或三五知己舒舒服服食番餐。菜色种类包罗万有，海鲜、火锅、小菜、鸡煲样样齐，想试嘅菜都好多款，老板仲特别介绍左个焗鱼肠，可惜要订先有得食，下次一定要再黎过海鲜方面，有好抵食嘅鲍鱼，一只都系$48咋。如果唔想食清蒸鲍鱼，不妨试下呢个避风塘椒盐大连鲍鱼。椒盐味十足，非常入味。鲍鱼又够新鲜。烧汁脆米安格斯牛粒真系超有惊喜，除左安格斯牛粒之外，原来伴碟仲有我最怕食嘅嘢....茄子，无谂过一个完全抗拒茄子嘅我会因为呢碟𩠌而踏出第一步试食茄子。当我第一啖以为夹左牛肉粒嘅时候，我先发觉佢原来唔系牛肉粒，外脆内软，口感好特别，酸酸甜甜嘅烧汁完全盖过茄子嘅味道，令我一试再试。牛肉粒肉嫩多汁，一啖一口，非常美味，再加上上面嘅脆米粒，令口感更丰富，味道更上一层楼，绝对值得推介！自家制造撚手墨鱼片头炸得金黄香脆，墨鱼爽口弹牙！食完浓味嘅嘢，食番个清清地嘅海皇翠塘滑豆腐，以三十年前造法制作，坊间已经好少机会食到呢味菜。豆腐好够滑， 芡汁充满住鲜虾，斑块嘅鲜甜味，再加上