影片
更多
2023-06-13
439 浏览
嚟开厚福街揾食，呢头咁多食肆，决定去呢间新开嘅点心店叹个夜茶🫖！店舖装修有种中西合璧嘅感觉，灯光偏昏暗几有格调，用嘅系比较西式嘅枱凳，几阔落坐得舒服！小店主打手工点心同埋上海小食，全部都系自家制作，都整得好靓，唔系平时饮茶𠮶啲老土款式，配搭比较有新鲜感，重要劲Igable📸！点心即叫即蒸，上枱全部都热辣辣，摆盆仲要好精美🤩，所以都要等下呢～而家新开张仲有优惠🈹，午市有九折免加一；晚市仲有八折，平时仲有午市同下午茶套餐，更加抵食！今晚两个人食饱饱，仲要系即叫即整嘅高质点心，人均都唔使200！呢啲新旧合璧嘅菜式，平时同朋友或者长辈去都好适合！------------------------------💕◖米网鸳鸯肠◗ $48呢款系红米肠，里面包裹住香脆嘅米网，啖啖虾肉，里面嘅香芹提升咗成道菜嘅香味，更加带出蟹肉嘅鲜味，香口得嚟颇有层次感！但系伴碟嘅豉油偏咸，觉得唔点原汁原味会好食啲～🧄◖黑蒜烧卖◗ $68鸳鸯两色嘅烧卖，一黑一白咁，好趣致！每粒烧卖上面都有一片带子，再加上啲蟹籽，有口感之余又带啲鲜味！馅料就用咗猪肉同虾肉，口感扎实肉味香浓，唔会为咗香口而家入太多肥肉，用料一啲都唔马虎！🦐◖
而家新开张仲有优惠🈹，午市有九折免加一；晚市仲有八折，平时仲有午市同下午茶套餐，更加抵食！今晚两个人食饱饱，仲要系即叫即整嘅高质点心，人均都唔使200！呢啲新旧合璧嘅菜式，平时同朋友或者长辈去都好适合！
------------------------------
💕◖米网鸳鸯肠◗ $48
呢款系红米肠，里面包裹住香脆嘅米网，啖啖虾肉，里面嘅香芹提升咗成道菜嘅香味，更加带出蟹肉嘅鲜味，香口得嚟颇有层次感！但系伴碟嘅豉油偏咸，觉得唔点原汁原味会好食啲～
🧄◖黑蒜烧卖◗ $68
鸳鸯两色嘅烧卖，一黑一白咁，好趣致！每粒烧卖上面都有一片带子，再加上啲蟹籽，有口感之余又带啲鲜味！馅料就用咗猪肉同虾肉，口感扎实肉味香浓，唔会为咗香口而家入太多肥肉，用料一啲都唔马虎！
🦐◖彩虹虾饺◗ $68
虾饺细细粒，但里面都几足料，包住三大粒虾仁，都啖啖肉，好鲜甜！外皮红红绿绿咁，好似一条金鱼咁，口感就相对冇咁烟韧～
🐂◖火焰黑椒牛肉生煎包◗ $38
每件生煎包都有个铸铁镬仔装住，煎过嘅外皮做到外脆，而里面保持湿润松软，真系比较少见！生煎包细细件，里面包着黑椒牛肉，牛味浓郁，加上佢嘅香葱一齐食，更加香口，仲一啲都唔油腻！
💕◖黑金流沙包◗ $22
黑金外皮油上一层金箔面，好靓！自家制嘅流沙包包体颇有韧劲，外皮唔会太厚，食落一啲都唔干，馅料甜度味道都啱啱好，唯独是做唔到流沙嘅效果，系比较出色嘅奶皇包～😆冲住佢嘅黑金外皮，个人觉得都值得一试～
🐖◖豚肉叉烧包◗ $36
呢度点心就正正常常，里面嘅叉烧馅偏瘦，整体同出面嘅叉烧包差唔多～
🥕◖萝卜丝酥◗ $58
萝卜丝酥摆盘好出色，整到成条萝卜咁，仲要放咗啲可可谷物片铺底当系萝卜嘅泥，好有心思造型加分！佢嘅酥皮做得好出色，一咬就松化开，里面系满满嘅萝卜丝，好多汁，但就略嫌里面萝卜嘅味道偏咸咗少少～
🌶️◖XO酱香煎萝卜糕◗ $48
佢嘅XO酱值得一赞，辣度啱啱好，有一丝丝干瑶柱同虾干嘅口感，有少少辣，咸香味十足，但又食得出腊味萝卜糕嘅味道，几种香味相辅相成，好惹味！
💕◖金沙芝麻卷◗ $38
一上枱真系话「哗」咗一声，黑蚊蚊嘅芝麻卷上面涂上金粉，黑金嘅配色影相真系好靓！识落味道都唔普通，芝麻味浓郁，好有回弹力，甜度啱啱好，推荐！
🌟 Encore指数：8.9/10
张贴
